جمل غريبة
من الجمل الغريبة التي
يستعملها طلابنا ما هو عجيب وينم عن غباء .. او إستغباء... أو إستغباء لنا. أن
تكون ذكيا شيء.. وأن تتذاكى شيء آخر... وأن تقلل من قدرك وتتغابى شيء فظيع ...
ولكن الأفظع على الإطلاق هو أن تستغبي من حولك وخصوصا مدرّسك. تاليا بعض الجمل
التي نسمعها من طلابنا:
- دكتور: في تدريس أول اسبوع.. في الاقتصاد لسا ما بلشوا؟ ! (يا أخي/أختي حول/حولي ع الاقتصاد وخلصنا/خلصينا)
- دكتور: راح تاخذ حضور وغياب اليوم.. لأني بدي أغيب؟ ! (غيب يا خي هي راح توقف المحاضرة عليك)
- دكتور: أنا مريض/مريضة وبديش أحضر المحاضرة راح تسجلني غايب/غايبة؟ ! (غايب ومع ذلك حاضر!)
- دكتور: أكتب الجواب هون؟ ! (وين يعني على كيس نايلون)
- دكتور: راح تصلح الامتحان؟ ! (يمكن أرميه بالزبالة .. حسب مستوى الإجابات بستاهل الزبالة)
- دكتور: بقدر أسأل سؤال؟ ! (هاي بتيجي بعد انتهاء فترة الأسئلة)
- دكتور: مش سؤال بس.... (المشهد: يرفع الطالب يده بعد انتهاء فترة الأسئلة)
- دكتور: ممكن تعيد مش فاهم/فاهمة (تأتي بعد جمع رقمين مع بعض.. الرجاء العودة لصف أول ابتدائي لفهم السيناريو).
- دكتور: علاماتك وتصليحك شديد. (ليش تسجل المادة عندي.. واذا كانت شعبة وحيدة.. شو فايدة التصريح الناري هذا؟؟؟)
- دكتور: الدكتور فلان راح يعمل بونص (علامات زيادة)... (كان اخذت عند فلان)
- دكتور: هذا داخل بالامتحان (اول محاضرة بالمادة...)
- دكتور: المادة كبيرة الغيلنا شابتر (المادة طبعا 3 فصول وحتى لو كانت فصلين .. ما زال الطلب شرعي وقائم)
- دكتور: مش عارفين كيف ندرس ع المادة؟ (مثل كل ها العالم ما يتدرس)
- دكتور: كيف بتيجي الأسئلة ع هاي المادة؟ (فجأة.. ويمكن على غفلة.. ويمكن بعد نص الليل.. يالطيف يا أخي!)
- دكتور: ممكن شوي شوي.. انت سريع. (تأتي بعد خمسة دقائق متواصلة من الشرح المتسلسل)
- دكتور: المادة زنخة !!! (كل الأسماك النهرية زنخة – كون اليرموك نهر من الأنهار... كمان الرجاء تعريف "زنخة")
- دكتور: الأسئلة من الكتاب والا السلايدات؟ (وكأنه الكتاب اشي وشرائح العرض اشي تاني)
- دكتور: لازم نجيب آلة حاسبة في الامتحان؟ ( يعني حضرتك آينشتين يا خي...)
- ....
- دكتور انت مو انت وانت زعلان... خودلك سنكرز.....
عماد أبو شنب
الأردن - 9-12-2013
ليست هناك تعليقات:
إرسال تعليق